東網電視
更多新聞短片
導演（左）與泰迪及積佳蘭賀現身康城宣傳！（Getty Images）
1/5
《第70屆康城電影節》「主競賽單元」有串流服務平台Netflix兩部電影入圍惹來各界爭議，由於電影未會於戲院上映，有業內人士質疑入圍資格，連日都鬧出不少是非。其中一部由韓國名導奉俊昊執導，金像女星泰迪史雲頓（Tilda Swinton）、影星Paul Dano、積佳蘭賀（Jake Gyllenhaal）與莉莉歌連斯（Lily Collins）及韓國童星安瑞賢等主演的《玉子》將於明晨舉行首映禮，眾星今日下午於當場出席記者會，一頭型爆金髮的泰迪一現身即成全場焦點！泰迪亦有回應今次作品捲入是非，認為評審主席艾慕杜華（Pedro Almodovar）講明唔願頒獎給《玉子》都唔緊要，因為參展並非為拎獎，只是想世界可以看到這個作品，亦支持艾慕杜華表達自己睇法，自認是對方粉絲，只要對方有看套戲已經夠晒開心。
除此之外，《玉子》展映時更出現技術問題，又再有是非，據悉電影於當地時間今日上午8時30分於當地舉行媒體試映會，播放出現技術問題，搞到播出幾分鐘就中斷播映，據悉電影開始播放時場內的銀幕未能成功打開，片頭播出Netflix標誌時更有大批觀眾不斷喧嘩，放映途中更拍手歡呼及發出嘲笑聲，令到電影在播放8分鐘後中斷放映，事件擾攘十多分鐘，主辦整理好場內後《玉子》再重新進行放映。
大會事後發聲明就技術問題而致歉：「呢個意外完全因為電影節技術工程人員而引起，佢地向導演及其團隊、監製及觀眾深切致歉。」據悉唔止《玉子》播出時畫面出現問題，主競賽電影《童幻逆緣》（Wonderstruck）日前放映時都同樣問題，因技術問題而令演員的頭部被Cut走！
泰迪舉手投足都好型！（Getty Images）
打扮俐落有型。（Getty Images）
一出場即成全場焦點！（Getty Images）
莉莉性感晒膊！（Getty Images）
