東網電視
更多新聞短片
勁開心！
1/6
草蜢日前在澳門舉行巡迴演唱會第二站，開騷當日正是「520」這個充滿sweet的日子，演唱會上草蜢除了又跳又唱，今次還有個人solo演出，蔡一智在台上開心冧女，他說：「今次有首歌同個女合唱，係自己作嘅『一二三四五六七八九十隻指頭』，要多謝阿女畀個機會同阿爹合唱，阿女都有嚟澳門，因為係一個特別嘅日子，我要送首歌畀我心愛嘅女，祝你生日快樂！身體健康！」
而蘇志威就肉麻更放閃冧妻說：｢我老婆（劉小慧）都有嚟，要講啲肉麻嘢！我愛你呀！」雖然蘇老闆與小慧結婚多年，但是恩愛如昔，在旁的蔡一傑表示這句說話一點也不肉麻，他是應份要講的！
蔡一傑自言今次演唱會排練時間十分充足，稍後他們會到美國、加拿大、新加坡及馬來西亞等地巡迴演出，由於今次加入一些新歌，所以有些緊張，他笑說：「觀眾好似較喜歡我哋唱快歌同跳舞，不過我哋其實只唱咗幾首慢歌，我哋年底喺紅館會再舉行演唱會，相信會再設計新嘅內容，我自己覺得唱妖、姣歌都唔錯。」傑仔對今次澳門演出人他表示因為首唱新歌「流淚的怪獸」關係，有些甩漏感覺，不過這樣才顯得他是唱現場！
勁歌！
蘇志威
熱舞！
蔡一傑
蔡一智
