拍拖十周年！丁子高送驚喜　嚇死千嬅

歌手楊千嬅於2009年同拍拖兩年嘅丁子高註冊結婚，婚後兩公婆一直表現恩愛，原來今日仲係佢哋兩個拍拖十周年，丁生仲畀咗個大驚喜畀丁太。<br/><br/>首先丁生喺社交網上載咗一張蛋糕相，蛋糕上寫住「10th DATING ANNIVERSARY」，佢仲留言話：「今次真係最驚嚇⋯哈哈！#開開心心十週（周）年 #愛你愛到嚇死你」千嬅一定冧到爆！<br/><br/>以為個蛋糕就係大驚喜？咁你就錯啦，相隔無耐千嬅再甫相，見佢拎住扎紫色花笑得好甜，留言話：「Big surprise❤❤❤❤#我們10 #thankyou @real_ting #anniversary #嚇死人」係女人都鍾意收花，重點係千嬅一向鍾意紫色，丁生咁了解老婆心意，難怪千嬅開心到話呢個係一個「Big surprise（大驚喜）」啦！