名人：變樣嚇親子女　薛芷倫哭訴匿入房

「Ball后」薛芷倫（Fanny）接受奇妙電視節目「天下第一Friend」訪問，應邀首次踏足旺角平民商場，Fanny大呼過癮。行慣名店的Fanny全程表現雀躍，更花了$430港元買下1條頸鏈、3個手機殼及2件女裝衫， 事後她直言覺得「平到笑」，且謂：「食個lunch都唔止呢個價啦！」

離婚頭幾年常常哭

而最近Fanny出席公開場合時和前夫馬清偉的緋聞女友關之琳大方合照，被讚EQ高，Fanny坦言：「我哋係獨立個體，對方表現友善時，我都會友善。」經歷婚姻失敗的她直言最初的幾年是最難過的，每次想到不能給子女完美的家都忍不住哭。談到有傳她治療癌症之初主動提出入住前夫家，Fanny直認不諱：「因為我1個人住，怕萬一有事時都會有人可以送我入院，況且子女都在前夫家住！」尤幸Fanny做對了決定，事關化療期間她數度暈倒，每次都及時由家人送她入院。

否認外貌改變係整容

原來在前夫家居住時，Fanny閉房獨居。她哽咽道：「嗰陣個樣好得人驚，我感覺到佢哋嘅恐慌，所以情願自己匿入房，年幾時間我習慣孤獨！」和子女近在咫尺卻不能接近，Fanny心痛得梨花帶雨。至於大病後的Fanny經常被指整容，甚至有美國電視節目想邀請她訪談整容失敗，Fanny無奈說：「我真係冇整容，個樣變咗係化療嘅後遺症！」她自創座右銘說：「謠言止於智者，謠言散於智障！」