東網電視
更多新聞短片
RubberBand希望樂迷多啲支持本地音樂。
1/3
樂隊RubberBand（RB）、Kolor、曾若華等出席音樂活動，提到RB主音6號在網上「十大最靚聲歌手」中奪第9位，他表示要多謝父母及投票給他的六百多個網民：「靚聲嘅嘢見仁見智，都係啲人tag我我先知，希望留意我嘅聲音嘅同時，同時留意我哋樂隊其他人，每個都有獨特嘅嘢，因為淨係聽聲冇用，聽樂隊係有幾件樂器、幾個人一齊做件事出嚟，但呢個都係好嘅，我覺得十分搞笑同surprise囉！」
問到是否較想奪我最喜歡樂隊這些獎？他坦言冇所謂，因最喜歡的準則不同，但可以令人更加留意不同樂隊是好事：「早一個禮拜，Dear Jane嘅Howie post咗張電台嘅流行榜，top 10入面有6、7首都係樂隊嘅歌，好感動，希望有多啲呢啲畫面出現！」
至於會如何報答投票給他的樂迷？他笑說會叫他們去睇騷：「我哋樂隊嘅生存空間係靠live去維持住，有時去短程日本旅行都使好多錢，但睇場騷又要左度右度，呢個文化可以慢慢改嘅。」
而RB將於8月出席本地薑音樂節，他們表示希望大家多多支持：「香港要搞呢啲大型嘅音樂節好難嘅，唔好畀佢有機會做唔住，台上有人演出，台下空晒就冇意思，同埋今年搞完唔知下年有冇，所以大家一定要支持。」
6號在網上「十大最靚聲歌手」中奪第9位。
RubberBand叫大家出席本地薑音樂節。
