顏福偉唔打算同同性伴侶結婚：又分身家

商人顏福偉為慶祝和興白花油90周年特別舉行迷你音樂會，吸引過百客戶到場支持，更請來余安安擔任嘉賓，顏福偉說：「因為好多內地朋友嚟香港參觀公司，順手安排佢哋嚟欣賞，平時返內地啲人成日叫我唱歌。」並透露稍後會推出慈善影集。

對於早年被傳媒影到同密友外遊，顏福偉大方說：「我同伴侶成日都去旅行，有幾次余安安都有去。（擔唔擔心畀人影到？）影到咪好彩囉，因為我哋去啲地方好遠，好似馬爾他，嗰度都冇乜人，亦都覺得自己唔會有人跟，畀人影到咪影到。」問到有否為伴侶做心理準備？顏福偉說：「影到佢可能佢話係普通朋友呢。（普通朋友嚟形容唔傷心？）唔會，尊重佢嘅言論自由，自己知咪得囉。」

當問到會否與同性伴侶結婚？顏福偉笑說：「台灣都要兩年後啦。（加拿大得？）咁遠，結乜鬼婚呀，又要分身家，冇乜呢個打算。」身為佛教徒的他說：「如果我哋結咗婚，有同志身份就唔可以去短期出家，我成日會去緬甸出家七日。」