東網電視
更多新聞短片
胡子彤（橙衫）同吳肇軒（黃衫）為DSE考生打打氣！
1/4
影壇新秀胡子彤與吳肇軒日前以卡通角色「大雄」以及「胖虎」的造型拍攝短片，為即將放榜的DSE考生打打氣。今年25歲的子彤回想起當年放榜，他直言非常徬徨：「我以為自己一定夠分入IVE體育系，去到先知排晒長龍，學位先到先得，結果冇晒位，嗰刻係極度驚惶失措！」後來他順利入讀浸大副學士傳理系，在棒球以外又發展自己的演戲興趣，更順利將興趣變成事業：「放榜嗰陣覺得好大件事，但回頭睇番人生原來仲有好多選擇，其實真係唔係一個考試定輸贏。」
而吳肇軒自言是個懶散的中學生，結果令他經歷了會考及DSE兩次超緊張的放榜：「我係末代會考生，但得10分，之後去咗另一間中學重讀。考DSE前我認真諗過自己興趣係咩，所以決定報讀演藝學院，最後夠分成功入讀。」吳肇軒認為考生們最緊要是盡力嘗試過，雖然成績已是不能改變的事實，但人生仍然機會處處，應就着自己的興趣計劃，達到自己的理想。
胡子彤（右）就話回頭睇番，其實人生仲有好多選擇。
而吳肇軒（左）就鼓勵考生成就自己嘅興趣同理想。
其實放榜又有咩好怕喎。
