呻舊公司欠尊重　林柏希轉行為打工仔爭福利

前新城電台主持人林柏希（William）去年向電台請辭，一度打算接管爸爸生意的William，近月轉型為一間機構擔任創意總監一職，曾効力新城16年的他說：「呢間公司幫緊兩萬幾員工爭取福利，有咩可以令員工開心，打工覺得獲老闆尊重，我嘅崗位為佢哋謀求福利，幫佢哋度橋同舉行啲活動令員工開心。」打工仔的William坦言想向全港老闆講一些說話：「好多老闆都會覺得福咩利吖，畀人工你就返工啦，點解有啲公司人工差唔多，啲員工特別賣命呢？我覺得啲老闆有冇珍惜過員工其實係資產，我想講畀啲老闆聽要珍惜員工。」

問到是否曾遭老闆欺壓過？William提到昔日在新城打工感受，他說：「做咗咁多年，最後離開金牌仔都冇個，金牌仔百幾二百蚊一塊，其實我有問過，始終公司資源有限，對於我嚟講唔好睇少呢二百蚊，我畀咗十幾年青春你，呢個係一個見證同對我嘅尊重，反而我為一間公司晚宴連續做5年司儀，人哋都畀個牌我。」問到離開新城後收入是否三級跳？William說：「係多咗同埋忙咗，依家忙得嚟開心。」隨即感恩過去十多年認識不少圈中人，William說：「娛樂圈新進老闆鄭欣宜、孫耀威同陳敏之都好支持我，好多謝佢哋，同埋佢哋好支持對員工好呢個概念。」