狗狗生日！郭偉亮葉佩雯一家四口晒溫馨

音樂人郭偉亮（Eric Kwok）同太太葉佩雯（Grace）結咗婚六年，一直都非常恩愛。雖然佢哋兩個結婚多年都未有生小朋友，不過就養咗兩隻好可愛嘅愛犬Toro同Nana，Eric同Grace一向都當佢哋係自己嘅仔女。之前Toro病咗，Grace心痛到不得了，可見佢哋有幾錫一對愛犬！而呢日Grace就喺社交網站上載Toro細個嘅影片，片中嘅Toro只有兩個月大，轉眼間已經14歲，Grace都大嘆時間過得真係快！<br/><br/>除咗影片，Grace仲上載咗一張合照，Eric Kwok同Grace分別抱住Toro同Nana，尤如一家四口。Grace仲話：「今日Toro14歲大壽，去到邊都撞到熟人。」睇嚟Toro生日佢哋都過得好開心！