錢嘉樂52歲生日　孖餅印大女玩錫錫

藝人錢嘉樂同老婆湯盈盈自得大女錢凱晴（Alyssa）同幼女錢凱琪（Kassidy）後，一家四口成日黐實出動晒幸福，嚟到今日老竇錢嘉樂52歲正日生日，盈盈就孖住Alyssa同佢賀生日，Alyssa仲送咗肉嘴畀最愛嘅爸爸添，So Sweet～

其實今次生日會係粉絲團做搞手，錢嘉樂哥哥錢小豪同仔仔龐景峰、好友鄭敬基等都有到賀，生日會上特地安排咗個Cute版賽道，上面有三架「辣跑」做蠟燭，仲將生日歲數52變成25歲，唔怪得之成場生日會嘉樂都笑得咁開心喇！而盈盈就同Alyssa齊齊現身，仲同嘉樂一齊吹蠟燭，之後Alyssa又同嘉樂嚟個嘴對嘴溫馨錫錫，真係睇到心都融化～～囡囡錫完，仲有老婆盈盈親手餵蛋糕，呢個生日係夠晒甜嘅！