名人：朱潔儀做足準備做節目

「港姐畫家」朱潔儀（Donna）到尖沙咀出席「奇妙電視啟播100天」活動，並向大會送上畫作，她說：「我用咗大約一個禮拜時間去畫，祝賀奇妙電視啟播一百天嘅大日子！我有份主持嘅節目《餐桌商機》，一路播放緊，其實每次同啲嘉賓傾偈前，我都會上網做定資料搜集，趁呢個機會都可以認識多啲商界人士，有時我可能會表演得主動咗，唔知會唔會嚇親啲嘉賓呢？（有冇食肥咗？）我不嬲都食好多嘢嘅，做番運動咪得囉！」