東網電視
更多新聞短片
鄧建明話好感動呀！
1/5
太極成員鄧建明（Joey Tang）與到灣仔出席慈善音樂會，現場有不少學生樂隊演出，他表示要支持年輕人，希望他們學習團隊精神：「夾Band就係呢樣嘢。我有去更新中心教邊緣少年彈結他，有班朋友搞緊呢樣嘢。我同個邊緣青年講一定要專注、專心，佢打咗喺facebook，真係練結他練到依家，聽日仲會夾band，我會去睇佢嘅成果。」他指對方正就讀中一，教了對方兩、三堂：「佢好開心，但我講嘢要好小心，因為好易影響到佢哋做人嘅方向。（滿足感好大？）好感動，平時淨係湊自己個仔，依家可以睇住佢哋成長。我會繼續做，其實一路都有去學校做分享，只係好少通知大家。」
準備創新宣傳
提到太極下年4月於紅館開騷，Joey Tang笑言要準備新鮮的宣傳：「網上攻勢，追吓潮流，分享吓心得，講吓點樣戒壞習慣，譬如點樣全部一齊停止食煙。」
鄧建明一有時間就會去更新中心教邊緣少年彈結他。
大合照。
滑水？！定想爬去邊呀？
太極下年4月於紅館開騷，Joey Tang話要追上潮流搞吓網上攻勢。
