吳國敬預告內地開班授徒

歌手吳國敬到灣仔出席慈善音樂會，他大讚有份演出的學生樂隊很勁，又希望在這場地舉辦有Band表演的聚會。說到曾經擔任青少年音樂比賽的評判，他認為很多青少年都很有水準和潛質：「佢哋啲技術比我嗰年代多咗好多，我後來做咗呢行都係少。香港玩音樂嘅人係有起色，同埋啲家長好正，肯畀仔女學樂器。」他指以前的家長只准子女學琴或木結他，認為學結他就是嘈吵和飛仔：「我見依家啲家長都話學電結他正，第時做新Beyond同新太極。（有冇教年輕人？）有教唱歌同作曲，不過作曲佢哋未咁快得，要有番咁上下基本樂器嘅認知。」他指不少學生都是父母想才學作曲，直言教不到：「佢哋11、2歲之嘛，我叫佢哋過多兩、三年先嚟都未遲，我轉為教佢哋唱歌，或者跟我朋友學琴或結他先，幾年後再學作曲，佢哋先會明白。」<br/><br/>吳國敬透露自己多數教朋友的仔女，並準備與朋友合作於內地開班：「組緊班，未咁快。我想一班最多4個，佢就想20個，依家拉鋸緊。（會唔會影響香港嘅工作？）我分配好時間。」他表示9月會到佛山開小型歌友會，10月就會與蘇永康及張衞健到雲頂開騷。