東網電視
更多新聞短片
陳詩慧以多個造型拍攝新片，演技得到發揮。
1/9
創作歌手陳詩慧（Eva）於下月7日上映的《西謊極落：太爆．太子．太空艙》中飾演有錢女莊思敏阿媽，這個喜好以紅色裝身的富婆角色，甫出場就像龍蝦一樣，在戲中要抽周柏豪水，仲摸手仔，因為想體驗人生而四出搵打工，做完OL又去做時鐘酒店接待員，低胸性感打扮搶晒鏡，仲要扮埋觀音娘娘，古靈精怪十分搞笑。
除了演出外，Eva亦為電影配樂，主題曲《太空艙》更是由她主唱、作曲兼監製，早前她拍攝MV，由王宗堯執導，足足拍了四至五日才完成，但Eva在MV中卻浪費了一副好身材，將太空衣由頭笠落到腳、密不透風的太空裝及頭盔，拍攝當幾天氣溫炎熱，但出奇地全程冇樣，Eva說：「係有概念嘅，講MV入面着太空衫嗰個未必係人，而係個外星人，太空人打扮係因為隻歌叫《太空艙》，又因為冇錢上太空拍，我又唔係異形，首歌嘅意思係想講一個唔屬於地球嘅人鍾意咗一個地球人，但佢哋唔可以一齊。如果見樣嘅話，即係代表我係人類，咁我唔係一個人嚟㗎嘛！」
為拍MV，Eva走過大美督、中環、銅鑼灣等地，當然惹來途人眼望望，最搞笑係Eva更和扮熱狗派傳單的藝人相遇，兩人惺惺相惜，不過大熱天時，穿上密不透風的太空裝焗足全程，真係熱暈！
原來陳詩慧擁有一副姣好身材。
太空人在鬧市遇上扮熱狗派傳單的藝人。
陳詩慧與周柏豪的音樂交流。
陳詩慧
陳詩慧扮觀音。
五仙合照。
陳詩慧在MV中穿上太空人衣服到全港各地拍攝。
陳詩慧抽周柏豪水。
