歐陽靖封老婆做Hip Hop Wife

歌手歐陽靖（MC Jin）早前以「Hip Hop Man」身份，亮相內地音樂節目《中國有嘻哈》後人氣急升，工作接踵而來。雖然忙到爆，但MC Jin都冇忘記太太Carol嘅生日，抽空為對方慶生，仲喺社交網上載合照放閃。<br/><br/>相中見佢哋兩公婆頭貼頭合照，Carol手上仲有一大紮鮮花，邊個送嘅？當然係老公MC Jin送啦，佢仲準備埋蛋糕慶生，相當有心思。MC Jin仲講埋「愛的宣言」冧老婆，佢話：「there would be no HipHopMan without a beautiful, intelligent and loving HipHopWife. happy birthday to the one who truly understands me better than i know myself. this ride would mean nothing without you by my side.（如果冇一個美麗、聰明同迷人嘅Hip Hop Wife，就冇Hip Hop Man出現。一個真正了解我，比我更認識我自己嘅人，祝你生日快樂。如果冇你喺我身邊，我嘅旅程就冇意義。）」<br/><br/>此外，《中國有嘻哈》開播以來成為熱話，當中唔少網民為支持心水選手，喺網上引發罵戰，MC Jin今日喺微博「勸交」，佢留言話：「當然我不能也不會想控制任何人的想法, 但是我覺得真正支持和了解我的人都會一樣那麼尊重所有別人. peace & love.」