杜如風自爆十號波滯留機場被瘋狂集郵

旅遊達人杜如風到沙田出席旅行社活動宣傳日本熊本縣，她透露早前到了九州拍攝TVB旅遊節目《九州攻略》，當中有一部份跟吉祥物熊本熊互動：「各式各樣嘅對手戲都有，包括跳舞啦！（你有冇笠佢件衫？）有呀，有去浸溫泉，我係會着衫嘅，就着咗佢嘅卡通睡衣。」

如風透露節目於10月14日播出，現正忙於做後期，講到之前計劃9月才赴日拍攝，她表示因攝製隊太忙碌，因此要提早，即使在旺季也要拍攝，問到會否有太多遊客？她說：「點都有啲，不過好在地方大，人數打散晒，但最難忘係我哋十號風球之後一日返香港，我哋喺機場滯留咗一日，所有香港旅客滯留晒喺度，我畀人發現咗，啲人就嘩晒，係咁要影相，我心諗我係咪咁紅呀？想匿埋呀！其實可能好多人唔鍾意我，不過見人影順便又集郵，冇所謂嘅，係冇得買手信囉！」問到下次想到哪個地方拍攝？她表示尚未計劃，但想跳出日本到歐洲拍攝，因為多靚衫買。