東網電視
更多新聞短片
何俊軒指去咗加拿大之後應該唔會諗返香港喇！
1/3
藝人何俊軒到電台受訪，分享入行經過及因後十字韌帶斷裂而要去加拿大休養：「其實冇打算，未去過，唔知嗰邊咩環境，可能做職業司機，或者開三文治或熱狗舖，自由身，鍾意幾點收就幾點收，唔會打工、做餐廳，唔想畀人眼望望。」他坦言怕捨不得香港，現在多了人認得自己或記得自己的角色名，令他內心不舒服，但答應了太太要到加拿大：「過多一、兩個月，搞埋腳啲賠償就走得。」
害怕有小朋友
何俊軒透露太太給自己很大自由度，沒要求他做甚麼：「到時先算。（試做爸爸？）呢個唔諗住，因為我好驚，有套西片講個太太生小朋友嗰陣醫院停電，然後太太死咗。我覺得鍾意一個人咪夠囉，做乜要生？（如果有意外）會好憎恨個小朋友。太太做機場服務員，成日去日本……都係唔好講。我又擔心佢嘅年紀，三十中，擔心佢辛苦。」他認為有小朋友就會失去私人空間，自己之前有平機票但用不着，笑言現在會用到夠為止：「我同屋企人講，呢三年咪使旨意我返亞洲，要去就去美國或澳洲。」
去意已決
至於日後會否回港工作，他直言不敢想：「如果我喺嗰邊安居樂業，做乜要返嚟？（放得低演藝事業？）有啲嘢唔到你話一定要擁有，拍拖都唔係個個可以長相廝守，時間可以令你放低一切。」他指無綫有挽留，但自己去意已決，特別多謝曾勵珍：「佢好鼓勵我，畀咗好強嘅定心丸我，嗰時我都未決定辭職，佢叫我咩都唔好諗，安心休養，再返嚟繼續開工，保險唔使擔心，幫我同公司跟進，估唔到佢咁關心我。」
何俊軒又話未諗去加拿大做咩，不過說一定唔會打工。
何俊軒到電台受訪。
