首次做老闆　倪晨曦擲6位數開工作室

宅男女神倪晨曦出席護膚品活動，透露之前到加拿大與孖生的妹妹一同慶生，慶祝30歲生日，她說：「原本Plan咗同妹妹一齊去亞馬遜一間學校教小朋友學英文，但最後冇去到，媽咪唔畀我哋兩個女仔去，妹夫都擔心唔畀妹妹去。」<br/><br/>倪晨曦謂妹妹25歲便結婚，現育有兩個小朋友，但仍然單身的她自言唔急結婚，因她媽媽要幫手湊妹妹的兩個小朋友，所以冇時間催她結婚。問到她的結婚計劃，她說：「以前想30歲結婚，依家都30歲，所以冇得Plan，一陣講咗幾多歲又嫁唔出。（同男友有共識？）感情都好穩定。（閃婚？）應該唔會。」她透露最近投資六位數開工作室，首次做老闆，自己做製作，但因為只有她一個人投資，所以都有壓力，但都有信心，她指經常在公司OT至凌晨，夜晚男友都會做接送。