東網電視
更多新聞短片
Mischa覺得只要將自己嘅音樂分享出去就覺得好開心。
1/2
歌手葉巧琳（Mischa）早前宣傳新歌《能見度》，透露會陸續推出單曲，並在網上推出MV：「咁我已經好開心，因為可以將我嘅音樂分享出去，出碟就唔諗住。」提到其男友，她面露少許尷尬，但否認不想提起對方：「佢係圈外人，唔想講佢咁多，又唔想大家關心我呢方面。我覺得我工作方面未達到我想做嘅目標，所以唔想焦點喺佢度，亦都想保護佢。」她指二人拍了幾年拖，很穩定，但未打算結婚：「細個好恨結婚，少女心好想着婚紗喺沙灘漫步，依家又覺得未必係現階段要做嘅事，去婚紗舖影輯相都得。」她與男友已有共識，雙方都不急於結婚。
雖然男友是圈外人，但Mischa覺得溝通不是難事，最重要坦白：「我入行前試過做親熱戲，喺美國有個Music Camp，去咗一個月，最後要做音樂劇，我同男拍檔錫嘴，好多觀眾望住，但我男朋友明白唔係咁樣就會鍾意。」她表示學過用英文演戲，覺得跟廣東話演戲有點不同：「之前去為電視劇Casting，本來要喊，但喊唔出，變咗少少搞笑版。」她認為搞笑角色較易做，而且自己不是顧形象的人：「好似周星馳咁擺隻腳入口嗰啲，我絕對可以做！」
Mischa話自己唔顧形象，做搞笑角色絕對冇問題。
