名人：活希兒曾着婚紗踩舊愛婚宴場夠經典

現年34歲嘅中澳混血兒活希兒，有?模始祖之稱嘅佢15歲就入行，1998年同陳曉東拍牛仔褲廣告而走紅，佢亦先後同過謝霆鋒、陳曉東及房祖名傳緋聞，當年人氣強勁！一心希望由模特兒轉型做歌手嘅活希兒，1999年推出一曲《Hello Kitty成為朋友》，可惜佢歌藝一般，而且因唱片銷量報大數，而形象插水。加上佢媽咪Bonnie當正佢係搖錢樹，搞到欠債纍纍，要賣樓套現。其後活希兒淡出娛圈去澳洲進修法律，2008年返港去律師樓工作，成功轉型做埋律師，2013年轉到銀行法規事務部工作，更獲上司賞識，仲做埋董事，依家年薪過百萬。

2013年，活希兒到中港照相器材主席孫大倫細仔兼舊愛孫道熙婚禮踩場，着住同新娘林珊亭同款婚紗「贈興」，搞到孫道熙嬲到喺社交網話以後唔想再見到活希兒兩母女，不過好彩獲契媽孫太鄧秀英撐腰，大鬧婚禮成為一時佳話。