東網電視
更多新聞短片
唔怪得咁快三年抱兩啦！
1/7
喺今年6月為台灣天王周杰倫（周董）誕下第二胎嘅昆凌，近日與英國型男荷李活男星奧蘭度布林（Orlando Bloom）現身內地綜藝節目宣傳新片。喺節目中，昆凌表演咗「極速變面」，令眾人驚喜萬分！佢扮同老公拍拖時畀狗仔隊撞破，竟立即走上前對住狗仔隊咆哮：「你可不可以不要再拍了！」仲搶埋電話，嚇到大家O晒嘴！不過，昆凌下一秒後又立即回復本來嘅和顏悅色，氹得奧蘭度不知幾開心！
除咗即場晒演技外，昆淩仲畀奧蘭度爆料指「在片場都在打電話給老公」，搞到昆淩初時勁怕醜唔畀佢再講落去。不過女人總是口是心非嘅，同人講多幾句就自然言談甚歡，最後仲忍唔住玩自爆：「我的確是拍戲中途懷孕的。」嗯，睇嚟周董都幾勤力…探老婆班啵。
據知昆凌喺新片中有頗多動作場面，佢仲試過不慎跌親，直至拍完先至知自己大咗肚…嘩！好彩最後有驚無險啫！
昆凌即場表演「極速變面」。
晒長腿。
一啲都唔似平時嘅昆凌。
昆凌塊面仲紅過番茄！
奧蘭度大爆昆凌秘密。
奧蘭度傾到笑晒。
