唐曉彤捨棄甜美　做冷艷性感打女

歌手唐曉彤(Kiko)搽上紫黑色唇膏以冷艶造型出席化妝品牌店的開幕禮。本身是「白衣天使」的Kiko由前年歌唱比賽獲得冠軍後出道，一直是以甜美靚女look示人，不過今次搞搞新意思以冷艷妝容示人，令人眼前一亮。

問到Kiko為何這次造型如此破格？她說：「嚟呢個活動之前去咗內地試一套網絡電影女二嘅造型，而我嘅角色係一位未來世界嘅冷艶女機械人殺手，未變身之前係一位平日好cool嘅時裝界編輯。」這次是Kiko第一次參與內地電影拍攝，她就很雀躍表示興奮：「因呢個角色嘅設定將會着好多靚衫，雖然當中都有啲性感露腰、露肩裝，甚至好貼身嘅殺手服装，但呢啲衫都係時裝品牌贊助，貪靚嘅我好期待和感恩有得着靚衫拍戲。」

問Kiko可有打戲和親熱戲？她表示知道會有吊威吔和開槍打鬥鏡頭，但深信自己手長腳長及一向都有做運動，能應付得來。至於親熱戲，角色會與內地靚仔男主角有借位的接吻鏡頭，但她是專業藝人，會希望做到最好效果，而且經理人也會在現場，所以很放心，更深信粉絲們會期待她在電影中的演出。

拍畢電影後，Kiko表示會再次投入製作自己今年的新單曲，知道公司目前正努力和等待合作計劃的落實。被冠以「愛心女神」之稱的她會繼續參與更多公益活動望給予自己更多正能量｡