認同羅天宇發展中 湯洛雯想低調拍拖

20171003
東網電視
更多新聞短片
湯洛雯話羅天宇撞過佢屋企人。

無綫晚上在將軍澳電視城舉行《big big channel 失驚無神賀中秋》,藝員湯洛雯、林盛斌、高海寧等為《美女廚房》環節在big big channel中直播。湯洛雯(靚湯)與羅天宇早年拍攝處境劇《愛.回家》傳戀情,兩人早已是圈中公認的一對。近日羅天宇30歲生日開生日派對,玩到興起之際,眾人起哄下湯洛雯冧啜羅天宇,相片在網上流傳。

最近受訪時承認與羅天宇「發展中」的湯洛雯,被問到是否公開戀情?她說:「冇話公唔公開,前幾日都同大家講發展中,但係嗰日開Party,冇預期啲相會出咗嚟,有朋友唔小心擺咗出嚟。同佢發展中,嗰日佢生日大家起哄,開心吖嘛咪畀個Kiss佢,好尷尬。(有冇其他慶祝?)佢攞住蛋糕我整,心意緊要啲,嗰日都好緊張,又要準備嘢食、整蛋糕、裝飾啦,嗰日又好多人。(幾時見家長?)嗰日屋企人出咗街,佢哋之前撞過,我哋啱啱開始發展,進一步先啦,未去到嗰個階段,我哋真係想低調啲,等穩定有結婚念頭先公開,依家完全冇呢個諗法,做嘢先。」

-------------------------
東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/vUiFwJ