曾傳不和 JM勸Baby多啲抽時間陪家人

20171028
東網電視
更多新聞短片
JM與Baby一齊出道。
女星文詠珊(Janice Man)近日應國際品牌邀請到巴黎出席時裝節,JM坦言很喜歡巴黎,每次想到要來的時候心情都很期待,因為每個角落都感覺浪漫,她亦在巴黎接受ViuTV節目《interviu》主持虞逸峰專訪,輕鬆大談事業婚姻,更解說與Angelababy的關係。
當年JM與Baby孖公仔出道,由於身材外貌相似,又同樣走混血𡃁模路線,所以當時經常一齊工作,不過多年來都傳出兩人明爭暗鬥,更指兩人口和心不和,甚至互不瞅睬。JM沒有避談兩人關係,她說:「我知道到今時今日外界依然對我哋不和呢個問題好有興趣,但其實我哋間中都有聯絡,當然佢依家好忙,因為生咗小朋友,我都送咗祝福畀佢,同埋有買禮物畀佢小朋友,希望Angelababy都唔好太忙,要識分配更多時間畀佢屋企人。 」對於Baby已找到幸福另一半,JM的感情生活又如何 ?她說:「感情事我一向低調,唔想成為話題或影響工作。(係咪已認定男友係結婚對象?)大家有傾過,但又唔係好急,有傾過結婚問題,但就唔係呢一刻。」
講到事業,Janice Man有了自己的製作團隊,比以往大大小小的工作由其他人安排是輕鬆很多,問到她會是一言堂領袖嗎?她自稱是位不識拿定主意的人,正正就是很多事決定不到,所以很信任她的團隊。