自認渴望愛情　余香凝新歌談愛情觀

藝人余香凝（Jennifer）到電台宣傳新歌《簡單情歌》，坦言很開心推出第二首歌，初時想以《La La La Love Song》為歌名，不過已被木村拓哉的劇集主題曲所用：「我想表達兩個人喺屋企乜都唔做，好優閒，好開心喺度la啲歌。」她認為很多人忽略了愛情就是簡單，會想很多Package，例如能否買車買樓：「呢首歌唔係純Sweet，仲講相處之道，有啲人一開始就講好多誓言、一生一世、結婚就要儲錢買樓，迫到對方好辛苦，可能到最後都係分開，點解唔去享受大家嘅相處？」她覺得如果不信任另一半，時常管着對方，會令對方很辛苦。<br/><br/>問到歌曲是否講述男友陳家樂？Jennifer坦言是自己的愛情觀：「我好簡單，生日同情人節都係食雞煲，唔會苛求啲乜。只要另一半有夢想，係個努力嘅人，做緊鍾意做嘅嘢，唔係好頹廢，有勤力已經足夠。」巨蟹座的她自認渴望愛情，加上父母離異令她很想組織家庭，每次拍拖都很認真。<br/><br/>唔怕男友呷醋<br/><br/>至於陳家樂對歌曲有何感覺？她笑說：「好開心，終於寫畀佢，佢話幾好、幾Sweet，其實歌詞同旋律都係佢Inspire我。」MV方面，她指廖子妤本來想做導演，但未能抽時間：「我話下次啦，佢應承咗我點都要還畀我。我同咗個男Model拍，都係做Sweet嘢。（激親男友？）唔會，大家都係專業演員，做戲啫，明白嘅。」