【自認怕醜】蕭瑤瑤冇計劃進軍娛樂圈

電影公司老闆蕭定一之妹蕭瑤瑤（YoYo）到銅鑼灣出席記者會，分享順利投得維園最大年宵檔熟食攤位的心得及計劃。YoYo表示往年亦有參與乾貨攤位競投，今年首次以50萬成功投得維園年宵最大熟食攤位，她直言是抱着學習的心態嘗試，並坦言對順利投得食檔感到意外。她希望能藉機會宣傳自家韓牛，到時候會親臨現場，並做代言人。

諗過開餐廳

講到現時的工作，YoYo表示以產品開發及市場宣傳工作為主。問到下一步計劃是否開餐廳？她表示：「都有諗，但考慮到成本太重，亦唔排除公司將來朝開餐廳發展。（會否叫家人打本？）就算有錢，都覺得自己仲需要多幾年工作經驗，再學多啲嘢。（你嘅廚技高超？）我自己煮嘢食唔OK，都少煮，但我係鐘意食，對食都有要求。」

家人鼓勵選美

外型清純亮麗的YoYo，當然被追問有沒有想過加入娛樂圈，YoYo說：「自己就冇諗，因為娛樂係需要一個鍾意展現自己天賦嘅性格，我就比較怕醜。」至於有沒有電影搵她客串？YoYo則表示：「都有人講過，但係整蠱我嘅。（叫過你去選美？）都有，但選美需要投入嘅嘢太多，自己工作量都大。」YoYo又透露與男友拍拖一段時間，但想在工作上多做嘗試，所以暫時冇結婚打算。

至於瑤瑤哥哥蕭定一，亦十分清楚妹妹的脾性，接受訪問時亦笑言妹妹好早以前已經覺得自己不適合加入娛樂圈，因為性格比較怕醜，既然妹妹有此意願，做哥哥的當然沒有叫她加入娛圈。