處女拍劇 陳漢娜孖吳浣儀鬥戲演技大爆發

20171108
東網電視
更多新聞短片
陳漢娜(右圖)與吳浣儀有大量對手戲。

新進演員陳漢娜(Hanna)最近進軍電視圈,與陳國邦、吳浣儀、徐肇平與RubberBand成員6號(繆浩昌)等合作拍攝ViuTV新劇《身後事務所》。首次拍劇,她直言感覺同拍電影截然不同,尤其節奏、流程都比電影緊密:「唔會唔習慣,喺演方面冇咩大分別,只係流程太緊密,可能全日精神會比較繃緊,集中在角色入面。」

論到Hanna今次拍劇最大挑戰,除了在劇中飾演女同性戀者外,還要跟兩位好戲之人陳國邦、吳浣儀有大量的對手戲,其中一幕,Hanna更要與吳浣儀在火葬場相擁痛哭,演技大爆發。問同前輩合作有否感壓力,她答謂:「其實火葬場呢場戲,劇本冇要求我喊,但因為我太投入角色,我角色要去送我鍾意嘅人最後一程,可能畀四周環境帶動情感,所以一roll機,就自然喊咗出嚟,冇咩特別壓力。」更指陳國邦好好,每當她有疑問都樂於解答。

提到她向女藝人盧慧敏獻上螢幕初吻,第一次跟同性咀嘴的她坦言沒有太大感覺:「覺得係一個搞笑嘅嘗試,本身同對手係認識,事前冇做準備工夫,反而同女演員錫,感覺唔會太緊張。」問到Hanna的演出尺度,她笑言還未接受到裸露及全裸的拍攝。