東網電視
更多新聞短片
阿旦就嚟62歲，佢嘅一班學生為佢提早慶生，真係幸福呀！
1/9
藝人鄭丹瑞（阿旦）身兼多職，除咗係電台DJ、電影製作人仲係主持等等，真係數都數唔晒！而即將喺11月27日踏入62歲生日嘅佢，就獲一班藝員訓練班學員為佢預祝生日，而佢哋係阿旦5年前所教嘅學生，隔咗咁多年都冇忘記呢位恩師，果然「一日為師終身為父」呀！
阿旦喺Instagram上載照片，畀包後生仔女包嘅佢笑得勁開心，啲乖女仲向阿爸送飛吻，真係睇見都冧呀！相中見到已經做咗演員嘅何廣沛、吳沚默、陳潔玲、利穎怡、譚永浩，仲有《東張西望》「咪神」主持林泳淘、李旻芳同埋男友黃耀英等等，相信阿旦見到一班學生青出於藍都好有成功感呀，佢留言：「我教嘅第一屆藝員訓練班，D26K，咁就五年了，亦算係一場緣份（分），多謝你哋咁長情。」網民都大讚阿旦Keep得好好，點睇都唔似已經登六，仲祝佢生日快樂同身體健康呀！
畀包後生女圍住，爽死啦！
你哋仲乜咁嘅樣？
阿旦真係Keep得好好！
陳潔玲（左起）、利穎怡、李旻芳、林泳淘及吳沚默向「老竇」送飛吻！
其實呢班係阿旦5年前教嘅學員，隔咗咁多年都咁有心，真係抵錫！
長腿叔叔生日快樂！
付出終於有回報！！
「咪神」李旻芳同埋男友黃耀英已經做咗《東張西望》主持！
