陳嘉輝即學即跳拉丁舞　米雪讚有天分

藝人米雪、陳嘉輝及江嘉敏為無綫短劇《再親我好媽》拍攝外景，劇情交代舊戀人米雪與嘉輝跳拉丁舞重逢。二人跳得有板有眼，卻原來事前一曉不通，米雪大讚嘉輝有天分：「今朝06通告，大家到場邊拍邊學，可能都拍過武俠劇，慣咗即場練。嘉輝真係跳得唔錯，頭先佢段對白咁長，要邊跳邊講。」嘉輝笑言學舞首要是「唔怕醜」。

今次以短劇形式讓收視不錯的《親親我好媽》「捲土重來」，米雪表示還未聽聞會開續集，但說：「《親》劇播結局時我唔喺香港，但返到嚟出街，好多人叫我grand mom，甚至連外籍人士都有。」米雪表示明天將到北京演出舞台劇，然後轉飛吉隆坡，故相信未能出席《溏心風暴3》首播。