《玄學星相》：黃渤惠英紅金馬攞獎機會大

一年一度嘅影壇盛事《第54屆台灣金馬獎》即將舉行，今集東網巨星節目《玄學星相》，邀請到堪輿學家陳子才，為大家率先預測金馬獎嘅賽果。<br/><br/>影后惠英紅與舒淇等人齊齊角逐影后寶座，唔知早前喺金像獎封后嘅惠英紅，今次有冇機會喺金馬獎再下一城？陳子才表示：「惠英紅五行屬金，今年佢行『權力地位提升年』，對於攞獎方面有着數。加上佢喺驛馬年有吉星，又有『天喜桃花星』出現，代表受人歡迎，以命論命佢封后嘅機會大啲。」<br/><br/>至於影帝方面，型男金城武首獲提名金馬影帝，與內地演員黃渤「拗手瓜」，但黃渤被睇高一線。陳子才分析指：「金城武五行屬金，同樣行『權力地位提升年』，加上肖牛嘅佢喺今年『合太歲』，所以都有機會攞獎。不過，五行屬土嘅黃渤行正攞獎運，加上有桃花星又有大運，睇落着數啲，比較之下黃渤較大機會封帝。」<br/><br/>女配角方面同樣競爭激烈，想知道邊一位較大機會攞獎？想繼續聽師傅點講？只要Click入東網巨星，睇《玄學星相》就更啱Feel！