機會難得！李泳豪同媽咪施明母子檔拍戲

藝人施明與兒子李泳豪於佐敦出席電影煞科宴，二人以母子檔合作拍戲，李泳豪表示試過與母親拍攝無綫劇集，但未有同場。施明說：「佢嗰時六歲，雖然今次佢唔係做我個仔，但都合作到。」李泳豪仍謂今次雖然同場場口不多，但同母親合作機會難得：「以前我阿媽湊我，我依家帶佢一齊開工。可以同阿媽對劇本，一齊食嘢，收工一齊返屋企，呢個過程真係好舒服。呢種生活真係好耐冇試過。」

李泳豪指母親已有多年沒有拍戲，曾一度擔心母親緊張做得不好，拍攝前一晚還叮囑母親睇五、六頁紙的劇本，但拍攝時一Take搞掂，連他又大讚母親厲害。問到二人是否想再戲中做母子，李泳豪說：「其實冇所謂，係唔係母子角色都唔緊要，最緊要係可以同媽咪過拍戲嘅生活，呢個比較着重啲。」施明則希望將來有機會二人於劇中再演母子。