女兒學行片感動網民　鍾麗淇淚的回應

鍾麗淇（Margaret）的大女Isabella患有罕見基因病四號染色體缺損綜合症，因而令手腳軟弱無力，要靠鐵架才能獨自步行。今日Margaret在ig上載了一段Isabella行路的短片，令萬千網民動容。

談到上載大女Isabella學習獨力行路影片，Margaret接受東網訪問說：「好開心！因為我哋好多年來都做好多唔同治療，去訓練佢身體活力，變得強壯同獨立，今年都買過好多助行架，希望有一樣嘢佢可以自己獨力去做、去學行，因為一般情況都係由我扶住佢、抱住佢，終於有一件學行架適合佢而佢肯去行，獨力去完成，勁開心！」

講到Margaret照顧Isabella的故事獲得不少支持，Margaret表示：「湊Isabella同湊一個正常發展嘅小朋友冇大分別，大家做家長都係辛苦，同樣經歷高高低低，如去學治療、學行路，就好似其他小朋友學踢波一樣正常，大家都係學嘢，都會對佢將來發展有進步，所以唔會特別辛苦。（正面面對激勵好多人？）會正面面對係自己嘅選擇，好多時呢個世界好多嘢改變唔到，既然改唔到不如選擇點去處理，點去應對呢件事，而我選擇去正面面對，用開心、享受咁處理呢樣嘢。」

----------------------------

東網巨星開咗ig喇，大家快啲follow啦！