東網電視
更多新聞短片
安祖蓮娜談前夫畢佬。
1/3
荷里活女星安祖蓮娜祖莉（Angelina Jolie）接受《The Hollywood Reporter》訪問時，談到前夫畢彼特（Brad Pitt）以及與他合作、講述婚姻問題的電影《緣海假期》（By The Sea），她坦言曾以為自己執導與演出的這部戲，可以改善兩人婚姻：「我哋以前因為合作而認識（指《史密夫決戰史密妻》（Mr. & Mrs. Smith）），亦都合作得好好。我想我哋再喺一部認真嘅作品合作。我當時諗咁樣會係我哋溝通嘅好方法。某程度上真係嘅，亦都某程度上我哋學到啲嘢。但喺嗰個情況，有一種沉重可能留咗落嚟，但唔關套戲事。」
她繼而表示：「我喺嗰十年，失去咗媽媽。我做咗乳房切除手術，我又曾驚過生卵巢癌，亦做咗手術，同埋經歷你人生當然會發生嘅其他嘢。一件藝術作品，可以係治癒性，亦可以係令你唔舒服。我唔知。我好慶幸一齊拍過嗰部戲，因為我哋一齊探索咗啲嘢。無論係乜都好，可能佢冇解決一啲事，但我哋有溝通過一啲需要溝通嘅嘢。」
安祖蓮娜離婚前與畢佬合演《緣海假期》。
安祖蓮娜指透過電影兩人有溝通到一些事。
