唔使戒口？舒淇皮膚敏感食甜品心情勁靚

女星舒淇近年一直深受皮膚敏感問題困擾，早前佢仲喺網上透露要暫別幕前，因為醫生警告佢要休息，要等到完全康復先可以再拍戲，所以佢依家都要全面停工！<br/><br/>雖然暫時唔可以喺幕前見到佢，不過大家可以放心，佢都不時更新社交網！好似今日佢就上載咗張捧住碟甜品嘅相，見到舒淇塊面仲有少少紅，似乎皮膚仲係過敏，不過見佢有得食甜品，心情大靚，唔少網民都留言話雖然食甜嘢係會令心情開心，但係都叮囑舒淇有皮膚敏感都係要戒口，少吃為妙呀！