東網電視
更多新聞短片
章子怡重提當年事，佢話畀鞏俐摑完之後，塊臉真係有手掌印！
1/9
國際巨星章子怡喺大陸選秀節目《演員的誕生》擔任導師，不時都會向後輩分享拍攝經驗，喺最新一集中，佢就透露當年拍攝電影《藝伎回憶錄》時，畀鞏俐掌摑一事！
當時只有26、27歲嘅章子怡同前輩鞏俐合作，為求逼真，鞏俐建議真摑，子怡話：「因為我很快就出道了，然後光芒都到我身上來了，兩人就在那討論怎麼演，鞏俐說要不來真的吧，這個假的打不好，還得來回（打），都不真實。」等住被打嘅子怡非常緊張，成個人都震晒，笑言：「一點都不誇張，我那嘴唇在那抖呀，我那眼皮子在哪抖呀！」
結果，鞏俐真係冇留力一巴摑落去，大力到章子怡臉上留有手掌印，章子怡透露：「那一大嘴巴呼得我，拍了7條還是8條，我不記得了，然後回家卸完妝以後，那個手印子就真在臉上了！」而評審之一嘅劉燁就笑問：「受傷是吧？」章子怡笑言：「受傷私下說。」不過雖然「痛在我身」，但章子怡最後強調：「跟這種前輩演員一起演戲，她就讓我特別受益！」
----------------------------
東網巨星開咗ig喇，大家快啲follow啦！
子怡話拍攝時為求逼真，鞏俐建議真摑，令佢真係好緊張！
返到屋企卸完妝，見到個手掌印真係喺臉上！
不過章子怡強調其實獲益良多！（電影《藝伎回憶錄》）（資料圖片）
成身都震！
可想而知係幾咁痛！
章子怡（左）及鞏俐（資料圖片）
結果拍咗成7、8次！
在旁嘅劉燁笑問子怡「受傷是吧？」
