「巨聲幫」伍浩然求婚成功排期等做人夫
20171216
東網電視
更多新聞短片
Don同女友拍拖8年。
今年35歲「巨聲幫」出身的歌手伍浩然（Don）正式封盤成為準人夫，與拍拖8年，從事珠寶行業的圈外女友Moe結婚，Don接受電話訪問時親口證實已入紙申請排期結婚。問到是否因為有B而要結婚？他表示：「拍咗拖都有8年啦，覺得差唔多。（點樣求婚？）我搵咗間Party Room，叫咗啲朋友去，仲Set好嗰場，之後就唱佢最鍾意嘅《You Are My Sunshine》求婚，咁佢就應承咗。」
影婚紗相旅程搞到似難民
Don透露將於下年補擺酒，表示早前已影婚紗相：「去咗布拉格影，因為見到有個Package幾平，一萬五千蚊就有埋攝影師影相，不過就要自己買機票。（有冇順便玩埋去旅行？）有玩呀，我哋去咗一個星期，佢只係用咗一日嘅時間影。」不過Don就大呻好慘：「貪平喺上海轉機，嗰程機Delay咗差唔多成日，廿幾個鐘呀，要等到第二朝先再有機飛去莫斯科，再轉番去布拉格。勁慘！我去到莫斯科就好似成個難民咁，因為佢哋唔識英文，淨係講俄文，溝通唔到。（有冇延誤到你影婚紗相？）咁又冇，我預咗係第三、四日影，好好彩。」
----------------------------
東網巨星開咗ig喇，大家快啲follow啦！