新城：李克勤擸獎成大贏家代英皇破冰？

歌手李克勤成大贏家奪得3.5個獎項，接受訪問時，克勤表示係公司嘅功勞，自己嘅身份就係好似前鋒咁負責入波。其後，他笑言非常肚餓，上到台肚餓到手震，因為屋企好早食飯。問到係咪覺得一改以往26號舉行頒獎典禮嘅習慣比較好？克勤直言：「好老實講，我喺台上面講嗰啲係肺腑之言嚟㗎 ，其實嗰個時候搞大家都辛苦，係搵錢、旅行同埋湊仔嘅黃金檔期，拆開吓好啲。（掛住銳哥（前新城高層朱明銳）？）唔好咁講，年代唔同咗，無謂向後望，有新一代嘅幾好呀，精簡啲，百幾個奬嘅時候都有人批評，做乜嘢都會有人批評㗎啦。真係試過好霉嗰時新城有頒獎畀我，真係有雪中送炭嘅感覺，係強心針。」

提到係咪代表公司英皇同新城破冰，克勤笑言：「我新入嚟㗎，唔知，我負責入波，但係都有領隊同埋班主。」問到今年目標係咪大滿貫，他搞笑話：「唔好講呢啲，我都唔知點答，講真我好同唔好都試過，最豐收都試過，喊濕幾個枕頭都試過，嗰時最衰係請都冇請你呀，唔記得請你呀，係衰中最衰，今日都OK啦！」