薛芷倫唔想仔女咁早結婚：佢哋好似小朋友

名媛薛芷倫（Fanny）於晚上十時多現身中環舉行的除夕派對，身穿低胸露背閃片裙，非常性感，談到新年願望，Fanny表示：「最緊要身體健康，希望同家人相處有愛，社會安定繁榮，樓巿唔好再升，個個唔好諗過去，活在當下，展望未來。（你自己呢？）我自己就身體健康，當然希望有個錫我嘅人，工作順利同賺多啲錢。」<br/><br/>另外，Fanny的前夫馬清偉與女友Winnie及三名子女也同場，女兒更帶同男友現身，Fanny笑言：「係呀，之前聖誕都一齊過，我哋仲成家去咗成都旅行，過年後會再去上海同英國。（想唔想小朋友快啲結婚？）唔使咁快，見多啲呢個世界先。（唔想快啲做婆婆嫲嫲？）冇諗過，年輕人唔需要咁早結婚，我仲覺得佢哋好似小朋友，我未接受到佢哋結婚生仔。（滿唔滿意未來女婿？）最緊要錫我個女，阿仔嘅女朋友就錫我個仔。將來唔使咁早講定，我自己都後生過，最開心係拍拖，最重要係工作置業，之後先結婚，一步一步嚟。（你係支持不婚？）結婚都係為生小朋友，如果唔諗住咁早生仔，唔需要結婚，拍拖仲開心，係冇責任嘅開心，結咗婚就好多責任，我都唔捨得小朋友受咁多壓力同責任，結婚都係一個壓力。」<br/><br/>至於馬清偉被問到有甚麼新年願望？他表示：「世界平安，身體健康。」同場還有大生銀行後人馬清揚與太太錢慧儀及三名子女。<br/><br/>----------------------------<br/>東網巨星開咗ig喇，大家快啲follow啦！<br/> https://goo.gl/KGuo2N <br/>