名人：陳細潔預告單拖瑞士滑雪避年

保良局主席陳細潔（Abbie）出席保良局慈善跑活動，她笑言本身想落場跑，但工作忙碌，揚言如有份參與會贏盡比賽。問平時可有跑步，她說：「呢兩年忙到連運動都做唔到，但以前跑得好勁，好鍾意跑，住比華利山時成日由樂活道跑到淺水灣，跑到隻腳唔停得。」<br/><br/>Abbie表示新年假期忙於做義工，透露農歷新年會放假去瑞士滑雪：「今次會去8日，計埋頭尾都只玩到6日。（有冇男伴？）唔使，我呢啲女強人，覺得佢哋麻煩要互相遷就。（家姐呢？）佢要陪孫，去澳洲，一啲慢動作嘅地方，我就鍾意活動啲刺激啲嘅地方。」她表示去旅行前還要做一連串的慈善和新春活動，明天更會到沙田馬場出席保良盃賽事。