鄧英敏籲借物業作鄧麗君歌迷會永久會址

DJ車淑梅、藝人鄧英敏及方伊琪出席鄧麗君歌迷會舉辦的演唱會發布會，接受訪問時，三人希望努力將鄧麗君的名曲流傳下去，所以希望演唱會支持，將鄧麗君的精神傳承下去。提到新會址的租金係由歌迷夾錢租，鄧英敏呼籲若果有經濟能力又喜歡鄧麗君的話，希望大家能夠將物業借出來，因現時地方唔夠而未能將收藏品全部展出，謂：「如果有物業用唔到借出嚟做永久會址，如果唔係3、4年又左搬右搬。」<br/><br/>而方伊琪直言來到歌迷會的新會址覺得非常感觸，希望可以搵到更大嘅會址擺放更多收藏品。其後，車淑梅就覺得星光大道沒有鄧麗君的銅像很可惜，因為已經申請咗好多次都唔成事。另外，談到台灣高雄鄧麗君音樂館要遷出一事，鄧英敏及車淑梅就表示希望可以幫吓手，並會叫香港歌迷會聯絡高雄有關方面，商討是否能夠接收部分鄧麗君的遺物。