同老婆出發戰火之地　Tom＠Mr.諗過寫遺書

樂隊Mr.鼓手Tom及太太何思諺（Leanne）帶同兒子到九龍灣出席ViuTV節目《周生生呈獻：婚姻五重奏》記者招待會，Leanne透露如果不是因為拍攝，兩人未必有機會一起去伊朗，加上出發前當地發生恐襲，Tom更曾提出取消行程。主持人問他們的討論過程可算和諧？Tom直言比較惡劣，因為關乎性命，不過到了當地就變成不捨得離開，又透露去了只有男人才可以去的夜蒲活動，但詳情要留意節目。<br/><br/>受訪時，Tom笑言與太太為去伊朗不算吵大鑊：「吵吓鑊囉，我哋原本去約旦，但嗰時係齋戒月，冇乜地方可以拍攝，就改去伊朗。」當地發生恐襲後，Tom的隊友及好友紛紛叫他們不要去：「佢哋話我仲要做㗎，仔細老婆嫩，話我去就不負責任。我諗咗好耐，真係有個嚴重性，有人肉炸彈，會唔會可以改地方或者延期？攞簽證嗰日都有同製片講。」Tom指太太卻不擔心，因為她很喜歡去旅行。Leanne指Tom給了她很多壓力，Tom卻稱是事實給予他們壓力，Leanne說：「我啲朋友去過，話唔使驚，啲人好好，當地人都唔想有戰爭。其實每個地方都會有危險，睇吓你哋點衡量，但最尾都覺得人一世物一世就去啦。」<br/><br/>至於二人很早結婚生子，Tom指他們忙於工作，沒時間消化和討論這段婚姻，這個節目是個很好的回顧機會：「我哋一齊生活咗一段時間，係開心嘅，但當中都有啲經歷，喺伊朗呢個極地剖白番我哋嘅感情事，都幾有一番風味。」Leanne笑言出發前朋友都擔心他們會死，自己也想過要寫遺書，Tom就大爆她口說危險，但其實心中暗爽：「就算我唔結婚，我都係咁，我好怕死。我睇好多戰爭片，好多想像。伊朗好大，試過要搭6至8個鐘頭車，路上望到係戰場，畫晒骷髏頭，如果有架車截停我哋，咁就完啦喎。（去完發覺諗多咗？）要諗嘅，想去嘅人要有心理準備，意外係估唔到。」問到有否覺得太太很任性？他笑言要美化去說：「佢好硬淨，如果唔係點樣廿幾歲生個小朋友出嚟，我哋經歷咁耐。」Leanne又透露兒子有埋怨為何不帶他去，他很想去看槍。<br/><br/>----------------------------<br/>東網巨星開咗ig喇，大家快啲follow啦！<br/> https://goo.gl/KGuo2N <br/>