東網電視
更多新聞短片
真係姊姊情深呀。
1/4
藝人唐詩詠早前就被拍到佢同舊愛洪永城飯敍，惹來翻撻疑雲，不過詩詠就指嗰日只係朋友聚會，感情事隨緣。雖然詩詠感情未有着落，不過佢都仲有唔少好姊妹喺身邊，好似黃翠如就係其中一個喇！呢日翠如就喺社交網上載同詩詠嘅合照，仲感性留言話：「關於這位小姐，我希望她的美味芝士蛋糕生意好，買她的蛋糕，更希望她在頒獎禮好，投她一票又一票。#真愛吧」相中見到佢兩個每人拎住盒餅，似乎翠如特登去支持詩詠，真係好有愛，翠如仲要拎住碟蛋糕，擺咗個口擘擘甫士，網民都話見到都好想食，仲話冇情人陪唔緊要，有好姊妹陪一樣咁好呀！
黃翠如為唐詩詠宣傳芝士蛋糕。
仲撐對方攞視后。
黃翠如有蕭正楠，但唐詩詠仲係單身。
