搵到投資者開拳擊學校　黎美言商人Look攞獎

歌手黎美言（Winkie）以一身商人打扮到樂富出席活動，大會宣布她創立的拳擊課程入圍2017年最受歡迎品牌。受訪時她坦言開心，感覺像女兒出嫁一樣：「收到電郵通知嗰陣我叫咗出嚟！好感動，呢份滿足感唔同唱歌跳舞，係好好嘅鼓勵。」她指之前只能寄居在別人的地方教拳，但最近找到投資者在香港及九龍區開設學校，自己亦會投資6至7位數，希望半年內成事。提到最近很多好事發生，她回想前幾年有點情緒病，又亂吃東西，覺得打拳有助減壓及減肥，希望學校能幫到人。

至於Hotcha十周年演唱會，Winkie表示將於5月舉行兩場，但詳情要稍後才公布，自己有做Gym操練，但笑言已經忘記舞步：「幾廿年前！其實都好唔慣，會怕醜同尷尬。好多謝幫過HotCha嘅朋友，呢樣嘢我哋3個都好一致。」