紀念粵劇車神 阮兆輝爆林錦堂愛飆車
20180123
東網電視
更多新聞短片
在《林錦堂逝世五周年紀念會》上阮兆輝（後排左六）暢談林錦堂往事。
粵劇名伶阮兆輝、梁兆明和譚倩紅等在荔枝角出席《林錦堂逝世五周年紀念會暨粵劇新書發布會》，分享著名文武生林錦堂的事迹，遺孀林何嘉茵聽到亡夫往事時感觸落淚。
阮兆輝指林錦堂出身富貴人家，笑言嗜好多：「佢成日跳茶舞，仲成日去鍊車，有次問我坐唔坐佢車，我即刻話唔好，唔想驚餐飽！」而林何嘉茵亦指飆車是丈夫除粵劇外的最大愛好，更大爆老公有次加速，一時忘記了她身懷六甲：「佢同我講對唔住，話下次唔會咁。」絕對是粵劇界的車神。
譚倩紅練曲加打麻雀過日辰
至於譚倩紅表示睇住林錦堂長大、入行，最可惜是對方英年早逝。訪問時，曾在無綫經典長劇《真情》飾演「容姨」的她指農曆新年後，將開始準備三月在新光戲院舉行的慈善演出，笑言現在都是練曲加打麻雀過日辰：「都有人叫我拍嘢，但係我推晒，攰呀，力不從心。（但你仲好精神！）日日都開心嘛，唔好咁執着就得。」完全不像86歲。
----------------------------
東網巨星開咗ig喇，大家快啲follow啦！