Miss Hunny同男友溝通得好開心

網絡紅人魔術師Miss Hunny（何穎璇）今日到電台接受錄音訪問，大談愛情經歷。Miss Hunny話雖然自己好鍾意娛樂別人，但在愛情中都會攰：「我之前啲男朋友，大部分都係expect我去娛樂佢哋，跟住佢哋就翹埋對手唔係點講嘢，冇啲咩投入畀到我，去到我畀唔到新鮮感佢哋大家就分手。好多人會失望以為我平時鍾意娛樂大家，雖然都算係職業病，但其實我私底下對住男朋友都會有安靜嘅時候，我都會攰。好彩依家男朋友唔係咁，大家溝通得好開心。」<br/><br/>講到正在錄製的內地網台魔術節目，Miss Hunny顯得相當興奮：「仲有3集未錄完，好開心請到啲我好鍾意嘅嘉賓，來緊仲會請Tonick、J. Arie等，仲有一集未落實，（心目中想請邊個？）我哋好大膽咁做咗個假設，假設陳曉東會來，想請佢，希望佢會來，但同時我都好想請楊千嬅，係咪好癲？但係我又覺得依家有個節目做藉口，緊係試吓啦，如果唔係平時邊有咁嘅機會畀我去請佢哋？預咗唔得，照試咗先。」<br/><br/>Miss Hunny話希望可以繼續錄節目，但就不會放棄自己嘅網上頻道：「始終大家都係喺網上認識我，雖然好忙，但我都會嘗試兼顧。」