受傷片段曝光！湯告魯斯爆腳踝仲有碎骨

荷里活影壇巨星湯告魯斯（Tom Cruise）去年拍攝新片《職業特工隊：叛逆之謎》（Mission Impossible - Fallout）一場跳樓戲時受整傷腳要停工，最近復工的靚佬湯日前亮相英國清談節目《The Graham Norton Show》時首次提及受傷經過。

靚佬湯說：「我當時追緊亨利（亨利卡維爾），原本應該係撞到牆邊然後把自己拉過去，但就出錯，我隻腳撞咗埋牆。」55歲的靚佬湯表示當時即時已知腳踝位置碎骨，他笑說：「我當時真係唔想再做一次所以我就起身繼續完成個鏡頭，我當時講：『碎咗。完成啦。送我去醫院。』之後所有人都打電話並安排假期。」之後在節目中更即場首播當時跳樓受傷的經過，意外的一刻嚇到在場的觀眾嘩聲四起。據靚佬湯指仍然有碎骨但目前情況良好：「並未完全好番，因為有了映期，我哋拍攝緊，所以我只好繼續進行拍攝。我一星期七日每日八至十個鐘接受治療，因為我哋仍有啲主要嘅特技要去做。」