健身上癮！BabyJohn想帶埋舊鐵去旅行

藝人蔡瀚億（BabyJohn）出席保良局開心「型」狗年慈善步行活動，負責為參加者打氣。他表示平時好少外出跑步，反而會每日做健身舉重：「我成日畀教練叫唔好跑咁多，如果唔係會再瘦啲，因為我增緊磅。（練到幾多腹肌？）呢樣好氣餒，都曾經有過，但我好鍾意食嘢，好難抗拒之下令我想放棄。」持續健身已有兩年的他笑言因見到胸及二頭肌尚有少許成效，才讓自己堅持着，否則經已放棄：「唔知係咪心理作用，只要捱到21日，就想連嚿鐵都想拎埋去旅行做。（拎埋去旅行？）做嘢會，但旅行就留番啲位擺衫，舊鐵都成4-50磅。」<br/><br/>BabyJohn分享近日發生的開心事，指自己可以因拍劇給多了觀眾認識，有次到食肆吃飯時被人偷影：「嗰下有啲驚訝，都有同佢眼神交流，之後番到屋企喺社交網收到個粉絲信息，同我講對唔住嚇親我，佢想將張相留念。」他表示對事件感到好開心，之後亦有回覆這個粉絲：「我話好開心佢會認識我，亦唔介意佢主動搵我影相，但偷影唔係咁好，發現支持我嘅人都好nice。（有冇試過好尷尬情況下搵你影相？）梗係有，但我覺得冇咩所謂，如果嗰人狀態唔好就叫佢唔好擺上網，自己留念就算。」他又笑言一開始時經常戴口罩出街，但現時不會刻意戴住：「每次樓下看更見到我都問我係咪病同唔舒服，搞到自己心理上好弱，真係病病地咁，依家少做呢樣嘢。」<br/><br/>----------------------------<br/>東網巨星開咗ig喇，大家快啲follow啦！<br/> https://goo.gl/KGuo2N <br/>