70年代影壇靚仔警官嘉倫「紐約享晚年」

於70年代演警察而出晒位演員嘉倫（原名梁嘉倫），當年憑俊朗帶點混血兒味道的外表、滿口英語而大受觀眾歡迎，在圈中相當吃香，亦曾演出過多部作品膾炙人口的作品。可惜他在80代已經離開影壇並與太太移居美國，從事汽車買賣生意，過着安穩生活，前年才正式退休。

早前他相約了1975年首部演出的電影作品導演梁普智和太太在紐約相聚。兩位好友甫見面便感動得流下男兒淚，見面期間二人細談往事和近況。年過七十的嘉倫雖已經一頭白髮，真係自古红顏如名將，不許人間見白頭，不過他仍精神飽滿相當健壯，穿上格仔裇衫和牛仔褲的他顯得精神奕奕。

記者聯絡到導演梁普智，他指相片是去年十一月拍攝，他謂：「我哋上年十一月喺紐約撞到，大家已差不多四十年冇見，即刻搵個地方坐低聚舊。（話你哋感動到眼濕濕？）佢記番以前啲嘢啫，呢幾年佢因為有一啲老人病，只會記得好耐之前嘅事，尋日發生嘅嘢就唔記得。（咁佢記唔記得你呀？）記得。」已步入老年的嘉倫，雖然一頭白髮但精神看似不俗，問梁普智覺得嘉倫改變大不大？他謂：「都有小小，始終咁多年無見，都會老咗，同埋佢依家嘅行動都唔係太方便！」

其實嘉倫入行亦有段古，話說在車行當經紀的嘉倫遇上導演梁普智換車，點知一見如故，汽車好似買唔作，但係拉咗佢入行拍電影，點知1975年初登大銀幕就爆紅，1976年主演麗的電視劇集《大丈夫》令人留下深刻印象。其後，他演出過《狐蝠》、《谷爆》、《邊緣人》、《膽搏膽》和《綠印》)等，大多都是演高級警官角色，就算當時警界紅人陳欣健企喺佢旁邊都「變咗佢手下」，直至1987演出《四大天王》後便息影。

----------------------------

東網巨星開咗ig喇，大家快啲follow啦！

https://goo.gl/KGuo2N