陳鈺芸工作行先唔諗拍拖 自編自演動作片

香港時間
2018年02月08日(四) 01:45
東網電視
更多新聞短片
希望佢嘅生日願望會達成啦!
1/4
武打女星陳鈺芸(JuJu)日前接受訪問,談及農曆新年與生日非常接近,問到JuJu今年的生日願望,她就指最緊要是身體健康:「做動作演員好需要體能,如果病咗就冇得練,一唔練就會技術下降。另外,自己今年都有好多大計,又有搞生意同寫劇本,希望各樣嘢都會順利,事業方面會有好嘅成績。」至於愛情方面,她大爆現時有追求者,但暫時想以工作行先:「自己都好鍾意小朋友,希望呢幾年可以搵到終身伴侶,首要都係可以同我一齊打功夫、鍾意電影同小朋友,仲要心地善良。」
問及工作大計,鍾情做打女角色的JuJu指正與朋友籌備動作片中:「大家認識我都係喺動作片方面,自己都寫咗電影劇本,入面有啲好新穎嘅題材,依家都有投資者有興趣,希望今年可以拍到自己嘅第一部有份創作嘅電影。」她又笑言因為有份寫劇本,所以是自己喜歡演的角色,相信大家可以見到另一面的JuJu:「參與度大咗就會投入啲,雖然會係辛苦啲,但都好享受。」
加油呀JuJu!
佢話將來搵終生伴侶要搵個都係識打功夫嘅!
鍾意電影同小朋友,仲要心地善良。