敖嘉年操肌曬黑備戰舞台劇

藝人敖嘉年和陳婉婷（Hebe）宣傳佛教導善舞台劇，敖嘉年在舞台劇中飾演印度王子，他透露原本團長梁珊想找印度女演員演王妃：「但我覺得好奇怪，全部演員係中國人，而珊姐想搵眼大嘅女演員，我就即刻打去問Hebe做唔做我王妃，哈哈！」而Hebe雖然作為新人，但她亦曾為舞台劇演出：「上年10月做過一次舞台劇，今次係第二次。」在旁的敖嘉年表示曾與Hebe飾演兄妹，並讚對方有不錯的演戲經驗。提到敖嘉年在舞台劇造型少布，他表示準備再努力操肌及曬黑：「有太陽就曬太陽，啱啱同陳國坤拍完戲，佢有介紹我去曬燈。」

另外，由於舞台劇收益全作慈善用途，敖嘉年坦言budget不多，只得車費較為辛苦，不過有佛教信仰的他認為今次能宣揚佛法，又能做善事相當有意義，反而更加落力：「我嘅佛教師傅同我講，就算今次冇錢都一定要做，所以睇得出大家係攞個心出嚟。」